Reklam yerləşdirmək üçün
012 596 19 32
Reklam yerləşdirmək üçün
012 596 19 32
Loading...

“Sovetski”dən sonra bu ƏRAZİLƏR söküləcək



Bakının məşhur “Sovetski” adlanan məhəlləsinin bir hissəsində söküntü bitsə də, işlər tam başa çatmayıb.

Bu il həyata keçiriləcək növbəti mərhələdə “Sovetski”də 2010 yaşayış və qeyri-yaşayış obyektinin satın alınması və onların sökülərək ərazinin təmizlənməsi nəzərdə tutulur. “Sovetski”dən sonra söküntünün paytaxtın hansı ərazisində davam etdiriləcəyi hələ məlum deyil.

Bəs “Sovetski”dən sonra Bakının hansı hissəsi söküləcək? 

Xatırladaq ki, Bakının regional inkişaf planına əsasən 2030-cu ilə qədər paytaxtda hansı ərazilərin söküləcəyi artıq məlumdur. Dövlət Şəhərsalma və Arxitektura Komitəsinin sədr müavini Dövlətxan Dövlətxanov söküntü işlərinin Bakının mərkəzi hissəsində olan azmərtəbəli binalardan başlanılaraq aparılacağını bildirmişdi. O, "Sovetski" adlanan ərazidən başlayaraq, bu işlərin “Elmlər Akademiyası” metrosu  istiqamətində davam edəcəyini demişdi. Onu da bildirək ki, əsasən "Xutor", "Alatava" deyilən ərazilər söküləcək. İkinci böyük istiqamət isə "Ağ şəhər"dən sonra Zığ yaxınlığındakı ərazilərdir. 

Məsələ ilə bağlı Bakı Şəhər İcra Hakimiyyəti ilə əlaqə yaratmaq cəhdimiz baş tutmadı. Nazirlər Kabinetinin İctimaiyyətlə Əlaqələr Şöbəsinin müdiri Akif Əli Cebhe.info-ya açıqlamasında deyib ki, növbəti dəfə hansı ərazidə söküntü işlərinin aparılacağına dair onlarda hər hansı bir məlumat yoxdur. Qurum rəsmisi bununla bağlı bizi Bakı Şəhər İcra Hakimiyyətinə yönəldib. 

Alçina Amilqızı 
Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений