Reklam yerləşdirmək üçün
012 596 19 32
Reklam yerləşdirmək üçün
012 596 19 32

Bakı metrosunda insident



Bu gün saat 16 radələrində metronun "Koroğlu" stansiyasından "Ulduz"a gedən qatarda sərnişinlər arasında dava düşüb.

Hadisə şahidlərinin milli.az-a verdiyi məlumata görə, qatarda qadın sərnişinlərdən biri vaqonda onu itələyən oğlanı söyməyə başlayıb. Qeyri-etik ifadələr işlədən qadın oğlanı qıcıqlandırıb və oğlan onunla mübahisəyə başlayıb. Bu zaman başqa sərnişin araya girib. Nəticədə sərnişinlər arasında dava düşüb və onlar bir-birilərini şillələyiblər.

"Ulduz" stansiyasında dava salan sərnişinlərin qatardan düşürüldüyü bildirilir.

“Bakı Metropoliteni” QSC-nin mətbuat xidmətinin rəhbəri Nəsimi Paşayev isə virtualaz.org-a hadisə barədə məlumatlı olmadığını dedi. Onun sözlərinə görə, həmin vaxt stansiyada olan növbətçilər də hər hansı davadan məlumatlı deyillər: “Mən bizim növbətçilərdən də bu barədə soruşdum. Onların da xəbəri yoxdur. Əgər sərnişinlər arasında dava olsaydı, onlar qatardan düşürülən zaman bizim işçilərin xəbəri olardı. Heç kimin bu barədə məlumatı yoxdur. Görünür, iki sərnişin arasında kiçik narazılıq olub”, - deyə QSC rəsmisi bildirirb.

Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений