Reklam yerləşdirmək üçün
012 596 19 32
Reklam yerləşdirmək üçün
012 596 19 32
Loading...

Bakıda verilən "mavi yanacağ"ın tərkibinə hava vurulur? - İDDİA



Cebhe.info-nun redaksiyasına daxil olan şikayətlərdə iddia olunur ki, xeyli vaxtdır "havalı qaz”la təchiz olunurlar. 

"Qaz yerinə hava gəlir. Amma sayğac işləyir axı?! Kubu 10 qəpikdir, 1 saat da hava gəlməlidir ki, ardınca qaz gəlsin. 1 saat boş-boşuna sayğac yazsa, görün ayda nə qədər pul edir. İdarədən deyirlər ki, əskiyimiz var. Əskiyi də əhalidən yığırlar”, - deyə Etibar İmanov adlı şikayətçi bildirib.

Ümumiyyətlə, paytaxt sakinləri dəfələrlə "Azəriqaz” İstehsalat Birliyinin evlərə gedən qaz xətlərinə hava vurmasına dair tez-tez şikayət edirlər. "Azəriqaz” İB-nin ictimaiyyətlə əlaqələr şöbəsinin rəisi İbrahim Kərbalayev isə deyilənlərlə razılaşmır: 

"Qaz xəttinə müdaxilə etmək, hansısa hava vurmaq anlayışı yoxdur. Qaz təsərrüfatında təhlükəsizlik və istismar qaydalarında belə bir şey əks olunmayıb. Əgər belə bir şey olarsa, dəqiq ünvanı bildikdən sonra əməkdaşlar tərəfindən hadisə yerinə yollanıb baxırlar, məsələyə aydınlıq gətirirlər". 

Onu da əlavə edək ki, təkcə sosial şəbəkələrdə olan şikayətləri toplamaqla, narazılığın kütləvi olduğunu söyləmək olardı. Çünki qışda evlərə ya qaz verilmir, ya fasilələrlə verilir, ya qazın təzyiqi aşağı olur, yaxud da, qazın bərpası zamanı xətlərdən hava gəlir. Nəticədə, abonentlər sayğaca qaz yükləyir, pulunu vaxtlı-vaxtında ödəyir, amma qaz ölkəsinin sakinləri normal "mavi yanacaq"la təmin olunmur.

Aytən
Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений