Reklam yerləşdirmək üçün
012 596 19 32
Reklam yerləşdirmək üçün
012 596 19 32
Loading...

Pambıq sahələri azaldı, əvəzində isə...



“İqtisadi inkişaf yalnız təşəbbüskarlıq və azad sahibkarlıq sayəsində mümkündür. Administrativ müdaxilələr, imtiyazlı quplara dəstək hesabına hansısa sahələrin ayaqda saxlanması ən yaxşı halda "dopinq effekti" yaradır”.

Cebhe.info xəbər verir ki, bu fikirlə iqtisadçı-ekspert Rövşən Ağayev çıxış edib. O qeyd edib ki, belə inkişaf dayanıqlı və effektiv olmur, çəkilən xərclərin və sərf olunan zamanın qısa müddətdən sonra resurs və zaman itkisi olması ilə hər kəs barışmalı olur: 

“Son 3 ildə fermerlərin, əyalətlərdə sosial sahə və dövlət qurumlarını təmsil edən işçilərin administrativ qaydada pambıq, tütün, şəkər çuğunduru və barama istehsalına cəlb edilməsi də bunun bariz nümunələrindən biridir. Statistika Komitəsinin 4 ayın yekunları üzrə yaydığı hesabata görə, 2018-ci ilin yanvar-aprel aylarında əvvəlki ilin eyni dövrünə nisbətən şəkər çuğunduru əkinləri 27.6%, pambıq əkinləri 23.4%, tütün əkinləri 17% azalıb. Əvəzində isə tərəvəz əkinləri 6.5%, çoxillik otların əkini 26% artıb.

Halbuki ötən 2 ildə dəfələrlə fermerlər, müstəqil ekspertlər vurğulayırdı ki, texniki bitkilərlə müqayisədə tərəvəz əkinləri həm əkin sahibəri üçün daha yüksək qazanc gətirir və daha az zəhmət tələb edir. Üstəlik, tərəvəz əkinlərinin zorakılıqla azaldılması ölkənin ərzaq idxalından asılılığının kəskin artımı üçün risk formalaşdırır. Çoxillik otların məcburi qaydada texniki bitkilərlə əvəzlənməsi isə heyvandarlığın inkişafına, emal sənayesinə (süd məhsullarının emalı) ağır zərbə vurur - necə ki, son 1 ildə heyvandarlığın qida rasionunda həlledici paya malik otun qiyməti kəskin bahalaşdı. Ümid edək ki, statistikadakı məlum azalma administrativ addımlarla fermerçiliyə müdaxilə edən məmurların çox gec olmadan reallıqla barışmasının nəticəsidir...” 

Alçina Amilqızı 
Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений