Reklam yerləşdirmək üçün
012 596 19 32
Reklam yerləşdirmək üçün
012 596 19 32
Loading...

Qarayev məşhur alman şirkətinin rəhbəri ilə görüşdü - Foto



Bu gün mədəniyyət və turizm naziri Əbülfəs Qarayev Almaniyanın “Wieseconsult” şirkətinin rəhbəri Xayno Vize ilə görüşüb. 

“Qafqazinfo” xəbər verir ki, görüşdə iki ölkə arasında mədəniyyət və turizm sahələrində birgə layihələrin həyata keçirilməsi istiqamətində müzakirələr aparılıb.

Əbülfəs Qarayev Almaniyada Azərbaycanın turizm potensialının təbliği üzrə aktiv fəaliyyət aparıldığını, mütəmadi olaraq mədəniyyət və turizm tədbirlərində ölkəmizin təmsil olunduğunu qonağın diqqətinə çatdırıb. Ölkəmizdə alman turistlərini maraqlandıran turizm məhsulları və növlərinin mövcud olduğunu bildirən nazir, gələcəkdə də bu işlərin davam etdirilməsi üçün qarşılıqlı iki ölkənin turizm şirkətləri ilə görüşlərin keçirilməsini təklif edib. Nazir “ASAN Viza” sisteminin tətbiqinin ölkəmizə gələn turistlər üçün çox əlverişli və rahat olmasından da söhbət açıb.

Azərbaycanın turizm istiqamətində ən əlverişli şəraitə, müasir arxitektura, gözoxşayan landşafta və mədəni sərvətlərə malik olmasından xəbərdar olduğunu bildirən Xayno Vize ölkəmizin turizm potensialının Almaniyada təbliğ olunmasında müxtəlif birgə layihələrin həyata keçirilməsi üçün işçi qaydada müzakirələr aparılacağını qeyd edib. O, 2017-ci ildə Cənubi Qafqaz regionunda alman məskənlərinin salınmasının 200 illiyinin ölkəmizdə yüksək səviyyədə qeyd olunmasından söz açıb, Azərbaycanın qərb bölgəsində salınmış alman məskənlərində ikitərəfli tədbirlərin bundan sonra da həyata keçirildiyini bildirib.

Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений