Reklam yerləşdirmək üçün
012 596 19 32
Reklam yerləşdirmək üçün
012 596 19 32
Loading...

Tanınmış ekspert: Rusiya və Türkiyə Qarabağ münaqişəsini öz taleyinə buraxsaydılar...



"Yaxın zamanlarda Ermənistanı Azərbaycanın işğal olunmuş ərazilərini qismən qaytarmağa məcbur etmək mümkün olacaq".

Bunu "Azernews"a müsahibəsində beynəlxalq münaqişələr üzrə rusiyalı ekspert Yevgeni Mixaylov deyib.

O qeyd edib ki, Ermənistan bu vəziyyətə müqavimət göstərməyə çalışacaq: "Amma məsələyə real yanaşaq və Yerevanla Bakının imkanlarını və potensialını müqayisə edək. Ermənilər hər sahədə uduzur".

Ekspert vurğulayıb ki, başa çatmaqda olan ili Ermənistan-Azərbaycan, Dağlıq Qarabağ münaqişəsinin həlli baxımından qiymətləndirmək çətindir: "Aydındır ki, münaqişənin həlli üçün tammiqyaslı diplomatik iş həyata keçirilir. Bəlkə bu indi nəzərə çarpmır, amma biz Rusiya Prezidenti Vladimir Putinin Azərbaycan Prezidenti İlham Əliyev və Ermənistan Prezidenti Serj Sarkisyanla görüşlərinin şahidi olmuşuq. Münaqişə ilə bağlı müntəzəm şəkildə fikir mübadiləsi aparılır və həlli üçün üsullar təklif olunur".

Azərbaycan və Ermənistanın xarici işlər nazirlərinin yanvar ayında nəzərdə tutulmuş görüşü barədə danışan ekspert hesab edir ki, bu, heç bir nəticə verməyəcək: "Aydındır ki, münaqişə yalnız ATƏT-in Minsk qrupunun vasitəçiliyi ilə həll olunacaq. Bununla yanaşı, qeyd etmək lazımdır ki, Rusiya və Türkiyə bu münaqişəni öz taleyinə buraxsaydı, biz bu münaqişə barədə çoxdan unutmuşduq. Çünki Yerevanla Bakının potensialı tamamilə fərqlidir və hərbi əməliyyatlar təqdirində Qarabağ çoxdan qaytarılmışdı".

Cebhe.info








© 2015 Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir.

Yuxarı
Cebhe.info
Besucherzahler
счетчик посещений