hava haqqindaBakı
Bu gün +1 ° C
  • USD - 1.7000
  • RUBL - 0.0229
  • EURO - 2.0657
  • NEFT - 67.03
  • clouds-weather

ABŞ səfirliyi bəyanat yaydı: "Gürcüstan demokratiya yolunda geriyə addım atdı"

ABŞ səfirliyi bəyanat yaydı: "Gürcüstan demokratiya yolunda geriyə addım atdı"

“Gürcüstan müxalif “Vahid Milli Hərəkat” partiyasının sədri Nika Meliyanı həbs etməklə demokratiyadan geriyə addım atıb”.

Cebhe.info-nun məlumatına görə, ABŞ-ın Gürcüstandakı səfirliyinin “Twitter” hesabında yerləşdirilmiş bəyanatında belə deyilir.

“ABŞ səfirliyi Gürcüstan hökumətinin ana müxalifət partiyasının liderini həbs etmək qərarından son dərəcə narahatdır. Gürcüstan güclü demokratiya yolunda geri addım atıb” - bəyanatda qeyd edilir.

Diplomatik nümayəndəlik, həmçinin Gürcüstan tərəfinin ABŞ-ın və digər tərəfdaşlarının təmkin və dialoq çağırışlarına məhəl qoymadığına görə təəssüfləndiklərini bildirib.

Xatırladaq ki, fevralın 22-də polis N.Melianın saxlanılması üçün eks-prezident Mixail Saakaşvilinin lideri olduğu “Vahid Milli Hərəkat” partiyasına basqın edib. Əməliyyat zamanı hüquq-mühafizə orqanlarının əməkdaşları gözyaşardıcı qazdan istifadə ediblər. Müxalifət etiraz aksiyalarına hazırlaşdıqlarını açıqlayıb.

Müşfiq Abdulla
Cebhe.info


Oxunma sayı: 705