hava haqqindaBakı
Bu gün +27 ° C
  • USD - 1.7000
  • RUBL - 0.0266
  • EURO - 1.8722
  • NEFT - 68.84
  • clouds-weather

Almaniyada Azərbaycanın turizm potensialı təbliğ edilib

Almaniyada Azərbaycanın turizm potensialı təbliğ edilib

Sentyabrın 10-dan 12-dək Azərbaycan Turizm Bürosu Almaniyanın Berlin, Hamburq və Frankfurt şəhərlərində silsilə tədbirlər keçirib.

Dövlət Turizm Agentliyindən Cebhe.info-ya verilən məlumata görə, tədbirlərdə iştirakçılar üçün Azərbaycanın turizmin müxtəlif istiqamətləri üzrə mövcud potensialı, turizm marşrutları, görməli yerləri, hotelləri, qədim memarlıq abidələri və milli mətbəxi barədə təqdimatlar keçirilib.

Silsilə tədbirlərdə turizm şirkətlərinin geniş məlumatlandırılması məqsədilə Azərbaycanın təbiətindən, turizm imkanlarından bəhs edən təbliğat filmləri nümayiş olunub.

Almaniyanın hər 3 şəhərindən olan 150-dən çox turoperator, turagentlik, o cümlədən digər turizm təşkilatları ilə Azərbaycan turizm sektorunu təmsil edən 7 şirkət arasında B2B (Biznesdən-biznesə) formatlı görüşlər keçirilib.

Görüşlərdə qarşılıqlı fikir mübadiləsi aparılıb və əməkdaşlıq perspektivləri qiymətləndirilib.

Silsilə tədbirlərin sonunda təsadüfi seçim prosesi ilə adları lotoreya kağızında əks olunan iştirakçılara Azərbaycanın şərabçılıq ənənələrini əks etdirən mükafatlar təqdim olunub.

Cebhe.info


Oxunma sayı: 342