hava haqqindaBakı
Bu gün +26 ° C
  • USD - 1.7000
  • RUBL - 0.0266
  • EURO - 1.8722
  • NEFT - 64.71
  • clouds-weather

Argentina Azərbaycanla iqtisadi əməkdaşlığı inkişaf etdirməkdə maraqlıdır

Argentina Azərbaycanla iqtisadi əməkdaşlığı inkişaf etdirməkdə maraqlıdır

Xarici işlər naziri Elmar Məmmədyarov Argentina Respublikasının Azərbaycan Respublikasına yeni təyin olunan səfiri Serxio Osvaldo Perez Qunellanı qəbul edib.

Cebhe.info xəbər verir ki, görüşdə nazir Elmar Məmmədyarov Azərbaycanla Argentina arasında münasibətlərin inkişaf etdiyini qeyd edərək, gələcəkdə tərəflər arasında əməkdaşlığın daha da genişlənəcəyinə əmin olduğunu diqqətə çatdırdı. Xüsusilə iqtisadi, ticarət və turizm kimi sahələrdə əlaqələrin irəli aparılması baxımından perspektivlər mövcud olduğu vurğulayıb.

Cari ilin oktyabr ayında keçiriləcək Qoşulmama Hərəkatının dövlət və hökumət başçılarının 18-ci sammitinə Argentina Respublikasını müşahidəçi qismində dəvət edildiyini vurğulayan nazir Elmar Məmmədyarov bu tədbirdə Argentina tərəfinin yüksək səviyyədə təmsil olunacağına ümidvar oduğunu qeyd edib.

Səfir Serxio Osvaldo Perez Qunella ölkəsinin bütün sahələrdə, xüsusilə iqtisadi müstəvidə Azərbaycan ilə əməkdaşlığı inkişaf etdirməkdə maraqlı olduğunu qeyd edərək, diplomatik fəaliyyəti müddətində ticarət əlaqələrin inkişafı üçün səylərini əsirgəməyəcəyini bildirib.

Nazir Elmar Məmmədyarov Argentina səfirinə diplomatik fəaliyyətində uğurlar arzu edib.

Səfir Serxio Osvaldo Perez Qunella etimadnaməsinin surətini nazir Elmar Məmmədyarova təqdim edib.

Cebhe.info


Oxunma sayı: 4371