hava haqqindaBakı
Bu gün +27 ° C
  • USD - 1.7000
  • RUBL - 0.0237
  • EURO - 2.0722
  • NEFT - 77.72
  • clouds-weather

ATƏT PA-nın Büro iclası keçirilib

ATƏT PA-nın Büro iclası keçirilib

ATƏT Parlament Assambleyası (ATƏT PA) Bürosunun onlayn iclası keçirilib.

Cebhe.info xəbər verir ki, iclas çərçivəsində gələn ay ATƏT PA-nın illik sessiyasının keçirilməsi ilə bağlı məsələlər müzakirə edilib.

ATƏT PA-nın prezidenti Lord Piter Bouness Büro iclasını açaraq sözü qurumun Baş katibi Roberto Montellaya verib.

R.Montella ATƏT PA-nın Siyasi məsələlər və təhlükəsizlik, eləcə də İqtisadi məsələlər, elm, texnologiya və ətraf mühit, həmçinin Demokratiya, insan hüquqları və humanitar suallar komitələrinin iclaslarının tam olaraq onlayn formatda, 05 iyul tarixində daimi komitənin və 06 iyul tarixində isə plenar iclasın hibrid formatda keçirilməsini təklif edib.

Büro üzvləri iclasların keçirilmə qaydası ilə bağlı Baş katibin səsləndirdiyi təklifə müsbət yanaşdıqlarını bildirərək illik sessiyanın formatını təsdiq ediblər.
ATƏT PA-nın vitse-prezidenti və Azərbaycanın ATƏT PA-dakı nümayəndə heyətinin rəhbəri Azay Quliyev görüşün gündəliyindəki məsələlərə münasibət bildirib, müzakirə edilən sənədlərə təklif və tövsiyələrini səsləndirib.

Azay Quliyev çıxışında 04 iyun tarixində 2 nəfəri jurnalist olmaqla 3 nəfərin minaya düşərək həlak olmasını toplantı iştirakçılarının diqqətinə çatdırıb. Bu günə qədər 140 azərbaycanlının minalardan ciddi xəsarət aldığını, 27 nəfərin isə həlak olduğunu bildirib.

O, Ermənistan tərəfindən minalanmış sahələrin xəritəsinin verilməməsinin beynəlxalq hüququn və 1949-cu il Cenevrə Konvensiyasının ciddi pozuntusu olduğunu vurğulayıb.

İclasda həmçinin ATƏT PA rəsmilərinin onlayn seçkisinin keçirilməsi ilə bağlı məsələlər, eləcə də illik sessiyada komitələr tərəfindən təqdim ediləcək hesabatların ilkin layihəsi müzakirə edilib.

Vilayət Muxtar
Cebhe.info


Oxunma sayı: 529