hava haqqindaBakı
Bu gün +20 ° C
  • USD - 1.7000
  • RUBL - 0.0222
  • EURO - 2.0331
  • NEFT - 66.79
  • clouds-weather

Azərbaycan təminat verdi: AVRO-2020-nin oyunlarını keçirmək üçün

Azərbaycan təminat verdi: AVRO-2020-nin oyunlarını keçirmək üçün

Azərbaycan Nazirlər Kabineti yanında Operativ Qərargahla AVRO-2020-nin yerli təşkilat komitəsinin birgə iclası olub.

Cebhe.info AFFA-nın rəsmi saytına istinadən məlumatına görə, toplantıda UEFA-nın tövsiyələri və pandemiya ilə bağlı mövcud vəziyyət nəzərə alınaraq Bakıda keçiriləcək 4 oyunun hər birində Bakı Olimpiya Stadionunun ümumi tamaşaçı tutumunun 50 faizi qədər azarkeşin iştirakı qərara alınıb.

Ancaq bu, COVİD-19-la bağlı müvafiq prosedurların yerinə yetirilməsi şərtilə baş tuta bilər. Qərar yerli azarkeşlərlə yanaşı, oyunlarda iştirak edən milli komandaların mənsub olduğu ölkələrin vətəndaşlarına da şamil olunacaq. Belə olan halda viza və koronavirusla bağlı müvafiq tələblərin yerinə yetirilməsi şərti əsas götürüləcək.

Məsələ ilə bağlı bütün zəruri məlumatlar UEFA-ya təqdim olunub.

Azarkeşlərin AVRO-2020-nin Bakı şəhərində keçiriləcək oyunlarını stadionda izləməsi üçün tətbiq olunacaq prosedurlar ilə əlaqədar yaxın gələcəkdə ictimaiyyətə daha ətraflı məlumat veriləcək.

Ümumdünya Səhiyyə Təşkilatının qərarı ilə 2020-ci il martın 12-də koronavirus epidemiyasının qlobal pandemiya elan olunması nəzərə alınaraq, UEFA İcraiyyə Komitəsinin 17 mart 2020-ci il tarixli iclasında AVRO-2020-nin daha əvvəl açıqlanmış tarixdən bir il sonra - 2021-ci il iyunun 11-dən iyulun 11-dək olan müddətdə keçirilməsi barədə qərar qəbul olunub.

Cebhe.info


Oxunma sayı: 342