hava haqqinda Bakı
Bu gün +25 ° C
  • USD - 1.7000
  • RUBL - 0.0263
  • EURO - 1.8962
  • NEFT - $ 73.37
  • clouds-weather

Bakıda quraşdırılan "Formula-1" avadanlıqlarının sökülməsi NƏ VAXT yekunlaşacaq?

Bakıda quraşdırılan "Formula-1" avadanlıqlarının sökülməsi NƏ VAXT yekunlaşacaq?

26-28 aprel tarixlərində Bakıda keçirilən "Formula-1" Azərbaycan Qran-Prisi ilə bağlı quraşdırılan avadanlıqların bir hissəsi artıq sökülüb.

Bunu özəl olaraq Trend-ə Bakı Şəhər Halqasının Marketinq və Kommunikasiya şöbəsinin rəhbəri Nigar Arpadarai deyib.

N.Arpadarai bildirib ki, yarış bitdikdən dərhal sonra artıq avadanlıqların sökülməsinə başlanılıb.

Onun sözlərinə görə, küçələrin bir qismi artıq təmizlənib, avadanlıqlar sökülərək anbara aparılır.

Şöbə rəhbəri vurğulayıb ki, bu işlərin təqribən bir aya yekunlaşdırılması nəzərdə tutulur: “Təqribən bir ay sonra növbəti yarışın keçirilməsinə hazırlaşacağıq. Hər zaman olduğu kimi çalışacağıq ki, növbəti Qran-Pridə də yeniliklər edək, tamaşaçılar üçün maraqlı olsun”.

O qeyd edib ki, növbəti yarışın gələn ilin yay aylarında keçirilməsi nəzərdə tutulur, lakin dəqiq tarixi müəyyənləşdirmək üçün danışıqlar aparılır.

N.Arpadarai əlavə edib ki, ümumilikdə bu dəfə də Azərbaycan Qran-Prisi maraqlı keçib: “Bu il sosial şəbəkədə bizim həştəqimiz ilk onluqda idi. Bu il Qran-Pri əvvəlkilərə nisbətən bir qədər sakit keçdi. Yəni əvvəlki yarışlarda çoxlu hadisələr, qəzalar baş vermişdi. Biz builki nəticələrdən çox razıyıq”.

Cebhe.info


Oxunma sayı: 353