hava haqqindaBakı
Bu gün +32 ° C
  • USD - 1.7000
  • RUBL - 0.0271
  • EURO - 1.9142
  • NEFT - 62.84
  • clouds-weather

Bərdədə həbsdən çıxan ər arvadını bıçaqladı

Bərdədə həbsdən çıxan ər arvadını bıçaqladı

Bərdə rayonunda yaşayan məcburi köçkün ailəsində faciə baş verib.

Oxu.Az verdiyi məlumata görə, hadisə rayonun Cəyirli kəndində qeydə alınıb.

Kənddə yaşayan əslən Kəlbəcərdən olan Şahvələd Pənah oğlu Nadirxanov həyat yoldaşı 1983-cü il təvəllüdlü Pərvanə Arif qızı Yəhyayevanı bir neçə bıçaq zərbəsi ilə yaralayıb.

Kənd sakinlərindən əldə etdiyimiz məlumatlara görə, Ş.Nadirxanovun psixi durumu yerində olmayıb:

“Onlar kənd sakinləri deyil, Kəlbəcərdən məcburi köçkündürlər. Kişi 10 ilə yaxın Rusiyada həbsdə olub. Narkotik üstündə saxlanılmışdı. Elə üç ay olar çıxmışdı həbsdən. Heç bilmirik hansı səbəbdən bıçaqlayıb.

Qadın çox sakit, kasıb ailənin qızı olub. Deyilənə görə, kişinin psixi durumu yerində olmayıb. Hadisədən sonra qadını Bərdə Mərkəzi Rayon Xəstəxanasına yerləşdiriblər. Həkimlər vəziyyətinin ağır olduğunu deyib”.

Faktla bağlı araşdırma aparılır.

Cebhe.info


Oxunma sayı: 4090