hava haqqindaBakı
Bu gün +30 ° C
  • USD - 1.7000
  • RUBL - 0.0244
  • EURO - 1.9065
  • NEFT - 41.61
  • clouds-weather

Beynəlxalq Ağır Atletika Federasiyası Olimpiya təsnifat dövrünü müəyyənləşdirib

Beynəlxalq Ağır Atletika Federasiyası Olimpiya təsnifat dövrünü müəyyənləşdirib

Beynəlxalq Ağır Atletika Federasiyasının (İWF) yenilənmiş təqvimi təsdiqlənib.

Apasport.az saytının məlumatına görə, Beynəlxalq Olimpiya Komitəsi (BOK) tərəfindən təsdiqlənən yarışların təqvimində Tokio-2020 Yay Olimpiya Oyunlarına təsnifat dövrü də əksini tapıb.

Bu dövr 2020-ci il oktyabrın 1-də bərpa olunacaq və 2021-ci il aprelin 30-dək davam edəcək. Koronavirus pandemiyası üzündən ləğv olunan təsnifat xarakterli yarışlar digərləri ilə əvəz olunacaq.

Olimpiadaya vəsiqə qazanmaq istəyən idmançılar 2018-ci il noyabrın 1-dən təsnifat dövrünün sonunadək 6 turnirdə iştirak etməlidir. Atletlər bu dövrün üç bölümündən hərəsindən heç olmasa bir yarışa qatılmalıdır. Əvvəlki turnirlərdəki nəticələr də idmançıların hesabında saxlanılıb.

Qeyd edək ki, 2020-ci il iyulun 24-dən avqustun 9-dək keçirilməli olan Tokio-2020 koronavirus pandemiyası üzündən 2021-ci il iyulun 23-dən avqustun 8-dək təşkil olunacaq.

Cebhe.info


Oxunma sayı: 1277