hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

BMT nümayəndələri müvəqqəti köçkünlərlə görüşüb

BMT nümayəndələri müvəqqəti köçkünlərlə görüşüb

Beynəlxalq Miqrasiya Təşkilatının nümayəndələri BMT-nin agentliklərinin Azərbaycanın münaqişədən əziyyət çəkən rayonlarında ehtiyacların dəyərləndirilməsi missiyasının tərkibində regionlara baş çəkiblər.

Beynəlxalq Miqrasiya Təşkilatındən Cebhe.info-ya verilən məlumata görə, BMT agentliklərinin mütəxəssislərindən ibarət əlaqələndirilmiş qiymətləndirmə missiyasının Azərbaycanın münaqişədən əziyyət çəkən rayonlarına dördgünlük səfəri başa çatıb. Missiya BMqT-nin Azərbaycan nümayəndəliyinin təmsilçiləri ilə yanaşı BMT-nin Rezident Əlaqələndiricisinin Ofisi, Ərzaq və Kənd Təsərrüfatı Təşkilatı, BMT- nin Humanitar Məsələlərin Əlaqələndirilməsi Ofisi, BMT-nin İnkişaf Proqramı, BMT-nin

Əhali Fondu, UNİCEF, BMT-nin Qaçqınlar üzrə Ali Komissarlığı və Ümumdünya Səhiyyə Təşkilatının nümayəndələrindən ibarət olub.

Missiya üzvləri Bərdə, Ağdam və Ağcabədi rayonlarında icra hakimiyyətlərinin başçıları ilə görüşüblər. Eləcə də müvəqqəti məcburi köçkünlər və münaqişədən əziyyət çəkən icmaların yaşadığı yerlərə baş çəkiblər. Onlar həmçinin mülki evlər və infrastruktura dəyən ziyanı qiymətləndirmək üçün münaqişə zonasının yaxınlığında yerləşən kənd və qəsəbələrə səfər ediblər. Əsas ehtiyacları anlamağa imkan verən və hökumətin fəaliyyətlərini dəstəkləmək üçün müxtəlif sektorlarda müvafiq humanitar cavab mexanizmlərini planlaşdırmaq məqsədilə missiyanın nəticələrinə dair hesabat hazırlanacaq.

BMqT məcburi köçkünlərin məskunlaşdığı ərazilərdə su təminatını yaxşılaşdırmaq məqsədi ilə təşkilatın həyata keçirdiyi kəhrizlərin bərpasını davam etdirməyi planlaşdırır. Bundan əlavə, təşkilat münaqişədən zərər çəkmiş və həsas insanlara nağd əsaslarda yardım və onların sosial-iqtisadi vəziyyətinin yaxşılaşdırılması istiqamətində layihə üzərində işləyir.

Semra Ələkbərli
Cebhe.info


Oxunma sayı: 683

Bizim Telegram səhifəmizi izləyin