hava haqqindaBakı
Bu gün +22 ° C
  • USD - 1.7000
  • RUBL - 0.0264
  • EURO - 1.8726
  • NEFT - 61.07
  • clouds-weather

Çimərliklər ölüm yuvasına çevrilir: “Kimisə zorla sudan çıxara bilmərik” - MÜSAHİBƏ

Çimərliklər ölüm yuvasına çevrilir: “Kimisə zorla sudan çıxara bilmərik” - MÜSAHİBƏ

11 avqustda Bakının Sabunçu rayonunun Nardaran qəsəbəsində Xəzər dənizinin qeyri-çimərlik (nəzarətsiz) ərazisində 4 nəfərin boğularaq ölüb.

Ümumilikdə son zamanlar nəzarətsiz ərazilərdə boğulma hallarının sayı artıb. Lakin buna baxmayaraq, vətəndaşlar baş verən hadisələrə məhəl qoymadan nəzarətsiz çimərliklərə üz tuturlar.

Fövqəladə Hallar Nazirliyinin Kiçikhəcmli Gəmilərdə Nəzarət və Sularda Xilasetmə Dövlət Xidmətinin İctimaiyyətlə Əlaqələr və təbliğat şöbəsinin rəisi, daxili xidmət mayoru Aqşin Əlili məsələ ilə bağlı Cebhe.info-nun suallarını cavablandırıb:

-Aqşin bəy, ölüm hadisələri nəzarətsiz çimərliklərdə olur. Ümumiyyətlə, nəzarətsiz çimərliklərin sayı nə qədərdirə

- Bizim xidmətin Azərbaycan Respublikası ərazisində 35 xilasetmə məntəqəsi var. 35 xilasetmə məntəqəsinin 25 Bakı şəhəri və Abşeron rayonunda yerləşir. Biz vətəndaşlara olan bütün müraciətlərimidə gedəcəkləri çimərliklər haqqında məlumat toplamalarını tövsiyə edirik. Hansı ərazidə xilasedici yoxdursa, həmin ərazidən istifadə etməsinlər. Ancaq çox təəssüf ki, vətəndaşlar bunlara məhəl qoymurlar, son günlərdə də nəzarətsiz çimərliklərə üz tutanlar artıb və nəticədə ölüm hadisəsi qeydə alınır. Keçən dəfə qeydə alınan Nardaran hadisəsi də kifayət qədər təlükəli ərazidə baş vermişdi. Eyni zamanda kiçikhəcmli gəmilərin saxlanılması üçün nəzərdə tutulan yerlərdən də vətəndaşlar çimərlik kimi istifadə edirlər.

-Vətəndaşlar baş verən hadisələrdən məlumatlı olduqları halda niyə məhz bu çimərliklərə üz tuturlarə Yəni nəzarətsiz çimərliklərdə xidmət və yaxud şərait daha yaxşıdırə Bu seçim insan psixologiyası ilə əlaqəlidir, yoxsa ortada başqa səbəblər varə

-Biz bunu insanların öz seçiminə buraxırıq. Heç kimi zorla nəzarətimizdə olan çimərliklərə gətirə və yaxud da kimisə zorla sudan çıxara bilmərik. Bizim əlimizdə belə bir səlahiyyət yoxdur. Bizim işimiz ancaq maarifləndirməkdir.

-Aqşin bəy, məsələ ilə bağlı şəxsi fikriniz necədirə

-Mən bir məsələyə aydınlıq gətirim. Bəzi vətəndaşlar arasında belə bir söhbət var ki, bizim nəzarətimizdəki, xilasedicilərin olduğu çimərliklər ödənişlidir. Ona görə də pul verməmək üçün nəzarətsiz ərazilərdə çimirlər. Lakin mən tam məsuliyyətlə deyirəm ki, Fövqəladə Hallar Nazirliyinin xidmət apardığı çimərliklər tamamilə pulsuzdur. Bunun əksini iddia edənlərə biz bunu əyani şəkildə göstərə də bilərik. Çimərliklərdə sadəcə olaraq sahibkarlar göstərdikləri xidmətlərə görə pul alırlar. Kimsə gəlir, orada müəyyən sifariş verir, “besetka” kirayəliyir, bunlar tam pulludur. Amma dənizdən istifadəyə görə heç bir halda pul alınmır. Lakin “Aqua Park”dan istifadə əlbəttə ki, pulsuz olmayacaq. Bu sahibkara aid olan sahədir, ondan bunu ödənişsiz etməsini tələb edə bilmərik. Vətəndaşların nəzarətsiz çiməriklərə üz tutmasının səbəbi tam mənası ilə pul da ola bilməz.

-Bəs səbəb nədirə

-Səbəb biganəlikdir. Bəlkə də insanlar istirahət etdiyi ərazidə nəzarət edən kiminsə olmağını istəmir, səbəb bu da ola bilər.Mən özüm bunun şahidi olmuşam. Nardaranla Pirşağı arasında nəzarətsiz ərazi var, bəzi vətəndaşlar şəxsi avtomobillərilə gəlir, orada istirahət edirlər və gedirlər.

-Sizin onlara müdaxilə etmək səlahiyyətiniz yoxdur, ən azından tövsiyə vermək mümkündür.

-Əlbəttə ki, yox. Biz hətta öz nəzarətimizdə olan ərazidə belə küləkli havada vətəndaşın dənizə girməsinə mane ola bilmərik. Müraciət edən zaman hətta əməkdaşlarımızın dəfələrlə təhqir olunmasının şahidi olmuşuq. Məlumat verdikdə, sərt reaksiyalarla üz-üzə qalırıq. Xilasedicilərimizə qarşı kobut rəftar olur.

-Bildiyiniz kimi, Bakıda yeni ictimai çəmərliklər yaradılıb. Həmin ərazilər də sizin nəzarətinizdədirə

-Bununla bağlı bizim xidmətə hal-hazırda müraciət olunmayıb. Mən düşünürəm ki, həmin ərazilərə də nəzarət olunacaq.

Səyad Həsənli
Cebhe.info


Oxunma sayı: 3257