hava haqqindaBakı
Bu gün +12 ° C
  • USD - 1.7000
  • RUBL - 0.0267
  • EURO - 1.8883
  • NEFT - 64.92
  • clouds-weather

Dünən toyu olan jurnalisti arvadı ilə bərabər döyüb evdən qovublar - Pulu isə..: SUMQAYITDA OLAY

Dünən toyu olan jurnalisti arvadı ilə bərabər döyüb evdən qovublar - Pulu isə..: SUMQAYITDA OLAY

Dünən toyu olan jurnalist Nurlan Libre ailəsindən imtina edib. 

Cebhe.info xəbər verir ki, bu barədə jurnalist sosial şəbəkə hesabında yazıb:

“Siz heç toylara yazdırdığı pulu geri yığmaq üçün saxta məclis təşkil edən sonda isə bəylə gəlini döyərək evdən qovan ailə eşitmişdiz?

Bəli, "Xoşqədəm ssenarisi"nə oxşayan əhvalat təəssüf ki, dünən başıma gəldi. Ailəm toya yazdırdığı pulu yığmaq üçün Əsli və məni aldatdı.

Bu hadisəni ictimailəşdirməkdə məqsədim bəlkə də öz doğmalarınızın qədrini anlamağınız üçündür”.

Jurnalist yazıb ki, ailəsi əvvəldən onun Əsli ilə izdivacına qarşı olub: 

“Onlara görə Əsli tərbiyəsiz küçə qızı, bizim ailəmizə yaraşmayan fərd idi. Bunu mənə dedikləri zaman sakitcə dediklərini qəbul edib, evdən birdəfəlik çıxdım. Bir həftəyə yaxın dost-tanış evində qaldıqdan sonra Əsli ilə kirayə evə köçdük, nigah üçün "ASAN xidmət"ə müraciət etdik. Bu dönəmdə Əslinin ailəsi Zərdabda toy eləmək üçün bizdən xahiş etdilər. İnanın toya bir manat belə xərc çəkmədim hələ üstəlik toydan yığılan pulun artıqlamasıyla bizə verdilər ki, yeni ailəsiz ehtiyaclarınız üçün xərcləyin. Elə bu an anam bizim evə qonaq gəlib Əslinin ayaqlarına düşdü ki, sən mənim gəlinim yox, qızımsan, səni səhv tanımışıq. Toydan gələn gəlir də sizin olsun. Mən istəmirdim ailəmin edəcəyi toyu. Bakıda kiçik bir banket düzəltməyə gücüm çatırdı. Bilirdim ki, ailəm toyu mənə görə yox nəslin içində adları təmizə çıxsın deyə edirlər. El-aləm var, qohum-qonşu nə deyər axı?! Əslinin təklidləri ilə toya razı oldum. Toy gününə kimi hər şey normal idi. Toy günü Arif Hacılını məclisdə söz vermədilər ki, birdən siyasi çağırış edər, problem yaranar, o da inciyərək getdi. Bizim əyləncəmizə imkan vermədilər, sanki toy qohumlar üçün imiş kimi. Bütün bunlardan sonra toydan imtina edərək Əsli ilə taksiyə minib getmək istədim. Dostlarım mənə imkan vermədi. Güc-bəla toyu başa vurduq.

Elə ki, toy qurtardı. Evdə pulun sayılma vaxtı çatdı. Dünənə kimi ailəmin gəlinim dediyi qız birdən-birə oldu küçə qızı. Qardaşım, atam, anam, qohumlarım üstümüzə hücum çəkib, bizi döyə-döyə evdən qovdular, pərişan halda evdən zorla qaçdıq. Əsli sizin üçün küçə qızı idisə, bəs onda ayağına düşüb yalvarırdız ki, toy edək? Bu nə teatrdır qurmusuz?

İndi evdəyik. Sumqayıt şəhər 4-cu polis bölməsində şikayət eləmişik”. 

Jurnalist bildirib ki, baş verənlərə görə ailəsindən imtina edib.

Cebhe.info


Oxunma sayı: 1453