hava haqqindaBakı
Bu gün +8 ° C
  • USD - 1.7000
  • RUBL - 0.0266
  • EURO - 1.8828
  • NEFT - 62.35
  • clouds-weather

Elçibəyin silahdaşından müxalifət rəhbərlərinə İTTİHAM

Elçibəyin silahdaşından müxalifət rəhbərlərinə İTTİHAM

Sabiq prezident Əbülfəz Elçibəyin tərədaşlarından olan Cahandar Bayoğlu Azərbaycan müxalifətini Türkiyənin Suriyanın şimalında həyata keçirdiyi “Barış bulağı” (“Barış Pınarı”) hərbi əməliyyatını dəstəkləməməkdə ittiham edib.

Cebhe.info xəbər verir ki, Cahandar Bayoğlu həmin şəxsləri “Facebook” səhifəsində yazdığı statusda suçlayıb:

“Bu gün partiya sayılan Müsavat, KXCP, XP, "Yurd" kimi qrupların liderlərinin statuslarına göz gəzdirdim. Açığı deyim ki, bu adamlara yazığım gəldi. Özünü feminist sayan, milli dəyərləri tapdalayan birisini gündəmə gətirib bəyanatlar verən bu adamların heç birindən Türkiyənin “Barış pınarı” hərbi hərəkatı ilə bağlı bir yazıya rast gəlmədim. Mirmahmud bəy və Pənah bəy professor Firudin bəylə bağlı yazılar yayıblar. Bu yerdə Elçibəy onlara üzünü tutub deyərdi: "Üzünüzü millətin haqlı mübarizəsinə tərəf tutun. Firudin bəy mənim haqqımı danır, olsun. Bu cəfəngiyyatlara zaman ayırıb, milləti unutmağı sizə deməmişdim”. Arif Hacılı və İsa Qəmbər partiyanın qurultayı haqqında yazıb, Əli Kərimli isə piketlərdən. Bəylər, siz dünyada gedən proseslərdən və millətin inkişaf dinamikasından çox geridəsiniz, qaçsanız da, çata bilməyəcəksiniz. Xalq biganə deyil, Azərbaycan türkü Türkiyə ilə birlikdə, əsgəri ilə əl-ələdir”.

Cebhe.info


Oxunma sayı: 1453