hava haqqindaBakı
Bu gün 30 ° C
  • USD - 1.7000
  • RUBL - 0.0263
  • EURO - 1.9268
  • NEFT - $ 61.98
  • clouds-weather

Ermənistanda müharibə təlaşı - “Müdafiə naziri Paşinyanın “başını ağrıdacaq””

Ermənistanda müharibə təlaşı - “Müdafiə naziri Paşinyanın “başını ağrıdacaq””

Ermənistanın müdafiə naziri David Tonoyan təmas xəttindəki vəziyyətə dair suala belə cavab verib: “İki gündür vəziyyət sabitdir, qeyri-adi heç nə yoxdur”. “Müharibə başlaya bilərmi” sualına verdiyi cavab isə belədir: “Müharibə ehtimalı olsa xəbər edəcəm”. 

Cebhe. info xəbər verir ki, politoloq Elxan Şahinoğlu məsələyə münasibət bildirib. O, deyib ki, bu cavablardan razı qalmayan erməni jurnalistin növbəti replikası özünü gözlətmir:

“Axı qarşı tərəfin pilotsuz uçuş aparatları fəaldır”. Tonoyan yenə soyuqqanlı şəkildə cavab verir: “Bizim pilotsuz uçuş aparatları da perimetr boyu uçuşlar həyata keçirir”. Erməni jurnalist yenə əl çəkmir: “Qarşı tərəfdə xüsusi təynatlılar toplanır...” Tonoyan yenə eyni tərzdə “xüsusi təyinatlılar bizdə də var”. Şübhəsiz erməni jurnalist Ermənistan cəmiyyətini narahat edən sualları səsləndirir və özlüyündə Tonoyan verdiyi cavablarla guya cəmiyyəti sakitləşdirməyə çalışır, halbuki cavabları lağlağı xarakteri daşıyır və həqiqəti əks etdirmir. Ermənistan müdafiə nazirinin dediklərinin əksinə olaraq təmas xəttində vəziyyət gərgindir. Tonoyan Azərbaycanın hərbi təyyarələrinə qarşı uğursuz həyata keçirilən raket atəşinə də toxunmur. Paşinyan Tonoyanın əl-ayağını yığışdırmasa, təyin etdiyi müdafiə naziri "Qarabağ klanı"ndan çox onun başını ağrıdacaq. Çünki havaya buraxılan raket Azərbaycanın hava sahəsindəki təyyarəmizi vursaydı, bu faktiki lokal toquşma ehtimalını artıracaqdı. O ki qaldı, Qarabağ səmasında havaya qalxan hərbi təyyarələrimizə bu uçuşların sayını artırmaq lazımdır”. 

Alçina Amilqızı 
Cebhe.info


Oxunma sayı: 793