hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

Gürcüstan MSK: "Azərbaycanda seçki məntəqəsinin açılması planlaşdırılır"

Gürcüstan MSK: "Azərbaycanda seçki məntəqəsinin açılması planlaşdırılır"

Gürcüstanın Mərkəzi Seçki Komissiyası (MSK) oktyabrın 31-də ölkə parlamentinə keçiriləcək seçkilərlə bağlı Azərbaycanda seçki məntəqəsi yaratmağı planlaşdırır.

Bu barədə “Report”un yerli bürosuna açıqlamasında MSK-nın mətbuat katibi Ana Mikeladze bildirib.

Onun sözlərinə görə, seçki məntəqəsinin Gürcüstanın Azərbaycandakı səfirliyində yaradılması nəzərdə tutulub: “Gürcüstanın Gəncə şəhərindəki Baş Konsulluğunda məntəqənin yaradılıb-yaradılmayacağı orada qeydiyyata alınacaq seçicilərin sayından asılı olacaq. Bu məsələ hazırda nəzərdən keçirilir”.

A.Mikeladze qeyd edib ki, Gürcüstandan kənarda 40-a yaxın ölkədə seçki məntəqəsinin açılacağı gözlənilir: “Bununla bağlı yekun qərar hələ qəbul edilməyib. Bu proses həmin ölkələrdəki epidemioloji vəziyyət və daxili tənzimləmələrdən asılı olacaq”.

Qeyd edək ki, ötən gün Gürcüstanın Xarici İşlər Nazirliyindən Azərbaycanda 7 038 ölkə vətəndaşının konsulluq qeydiyyatında olduğu bildirilib. Azərbaycanda olan Gürcüstan vətəndaşları parlament seçkilərində səsvermədə iştirak etmək üçün oktyabrın 10-dək konsulluq şöbəsində qeydiyyata düşməlidirlər.

Cebhe.info


Oxunma sayı: 1706