hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

İcra Hakimiyyətindən satdığı soğanı yandıran şəxslə bağlı AÇIQLAMA

İcra Hakimiyyətindən satdığı soğanı yandıran şəxslə bağlı AÇIQLAMA

Abşeron rayonunun İcra Hakimiyyəti bəzi kütləvi informasiya vasitələrində Masazır kəndində meyvə-tərəvəz satışı ilə məşğul olan Vüqar Əzizov tərəfindən RİH-in adıçəkilən kənd inzibati ərazi dairəsi üzrə nümayəndəsi Şahlar Həsənova etiraz əlaməti olaraq satdığı soğanı yandırması ilə bağlı yayılan videogörüntülərə cavab verib.

İH-nin mətbuat xidmətindən bildirilib ki, müəyyən olunmamış yerlərdə ərzaq və kənd təsərrüfatı məhsullarının satılması, küçə ticarəti ilə məşğul olmaq ətraf mühitin çirklənməsi, mərkəzi küçə və prospektlərin estetik gözəlliyinə xələl gətirməsi, insanların sağlamlığına ziyan olmaqla yanaşı eyni zamanda da qanunla qadağandır: “Belə ki, Azərbaycan Respublikasının İnzibati Xətalar Məcəlləsinin 454-cu maddəsinə əsasən müvafiq icra hakimiyyəti orqanı tərəfindən müəyyən olunmamış yerlərdə malların satılması inzibati məsuliyyət müəyyən edir.

Bununla əlaqədar olaraq Masazır kənd inzibati ərazi dairəsi üzrə nümayəndəsi Ş.Həsənov tərəfindən qanunamüvafiq olaraq satıcı V.Əzizova küçə ticarətinin dayandırılması və ərazinin təmizlənməsi ilə bağlı xəbərdarlıq edilib. V.Əzizov isə qanunun tələblərinə riayət etməkdən imtina etmiş və satdığı soğanı yandırmışdır.

Öz qanunsuz əməllərinin həyata keçirilməsi üçün belə şantaj vasitələrindən istifadə olunması yolverilməzdir. Rayon İcra Hakimiyyəti tərəfindən bu kimi qanunsuz əməllərin, küçə ticarətinin və ətraf mühitin çirkləndirilməsinin qarşısının alınması istiqamətində bundan sonra da qanunamüvafiq tədbirlər həyata keçiriləcəkdir.

Cebhe.info


Oxunma sayı: 7129