hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

“Fransa Minsk qrupundan uzaqlaşdırılsın” - DEPUTAT

“Fransa Minsk qrupundan uzaqlaşdırılsın” - DEPUTAT

“Fransa hər zaman Ermənistanın yanında olub, onu müdafiə edib. Prezident Makronun müraciəti, Paris merinin mövqeyi ortadadır”.

Cebhe.info xəbər verir ki, bu sözləri Milli Məclisdə çıxışı zamanı deputat Vahid Əhmədov deyib.

Deputat təklif edib ki, parlamentin Beynəlxalq münasibətlər və parlamentlərarası əlaqələr komitəsinin sədri Səməd Seyidov Fransanın ATƏT-in Minsk qrupundan uzaqlaşdırılmasına dair bəyanat hazırlasın.

Deputat parlamentdə səsləndirilən bütün fikirlərlə razı olduğunu ifadə edib:

“Fransanın bütün fəaliyyəti ATƏT-in Minsk qrupunu fəallaşdırmağa xidmət edir. Biz də çalışmalıyıq ki, əgər bu baş versə, Türkiyə həmsdərlərdən biri olsun”.

Vahid Əhmədov deyib ki, dekabrın 1-dək Laçın və Kəlbəcərdə Azərbaycana qaytarılacaq:

“Artıq Ağdam Azərbaycana qaytarılıb. Sözsüz ki, Ağdamda, Laçında, Kəlbəcərdə Azərbaycan dövlət bayrağı dalğalanacaq. İstərdim ki, bayrağımız Xocalı, Xocavənd, Xankəndində də dalğalansın. Əlbəttə, bunun üçün zaman lazımdır. Azərbaycan Prezidenti İlham Əliyev bunun üçün ortaya ciddi siyasi iradə qoyub. Hesab edirəm ki, Milli Məclis olaraq bizdə bu işdə fəal olmalıyıq. Azərbaycan müharibədə qalib gəlib”.

Vilayət Muxtar
Cebhe.info


Oxunma sayı: 782

Bizim Telegram səhifəmizi izləyin