hava haqqindaBakı
Bu gün +20 ° C
  • USD - 1.7000
  • RUBL - 0.0222
  • EURO - 2.0331
  • NEFT - 66.79
  • clouds-weather

“Türkiyə "S-400" məsələsində suverenlik hüququndan istifadə edib” – Hulusi Akar

“Türkiyə "S-400" məsələsində suverenlik hüququndan istifadə edib” – Hulusi Akar

“Türkiyə "S-400" məsələsində suverenlik hüququndan istifadə edib”.

Bunu Türkiyənin Milli Müdafiə naziri Hulusi Akar deyib.

O bildirib ki, Türkiyənin son 10 ildə “Patriot” almağa imkanı olduğu halda, "S-400"-ə üstünlük verməsinə dair iddialar əsassızdır.

Nazirin sözlərinə görə, ABŞ və Fransadan hava hücumundan müdafiə sistemləri almaq istəsələr də, bu mümkün olmayıb: “10 il boyunca ABŞ-a verdiyimiz müxtəlif təkliflərə, müraciətlərə hələ də cavab almamışıq. NATO müttəfiqi bəzi ölkələrdə rus istehsalı havadan müdafiə sistemi necə istifadə olunursa, biz də "S-400"-ü eyni şəkildə istifadə edə bilərik”.

Akar qeyd edib ki, bu məsələ NATO-nun da olacağı ortaq işçi qrupu ilə birgə əməkdaşlıq nəticəsində həll edilə bilər: “Biz görüşməyə hazırıq. "S-400"-ə görə "F-35" də daxil olmaqla, bir sıra sanksiyaların tətbiqi müttəfiqlik ruhuna uyğun deyil. Yaddan çıxarmaq olmaz ki, Türkiyə NATO-nun da, ABŞ-ın da ən güclü müttəfiqdir”. (apa)

Cebhe.info


Oxunma sayı: 727