hava haqqindaBakı
Bu gün +26 ° C
  • USD - 1.7000
  • RUBL - 0.0266
  • EURO - 1.8722
  • NEFT - 64.71
  • clouds-weather

NASA kosmosda ilk cinayət işi ilə bağlı təhqiqat aparır

NASA kosmosda ilk cinayət işi ilə bağlı təhqiqat aparır

ABŞ-ın Aeronavtika və Kosmik Tədqiqatlar Milli Agentliyi (NASA) kosmosda baş verdiyi iddia olunan ilk cinayət işi ilə bağlı təhqiqat aparır.

BBC telekanalının saytı xəbər verir ki, amerikalı qadın astronavta qarşı Beynəlxalq Kosmik Stansiyada olduğu müddətdə - kosmik fəzada keçmiş ərinin bank hesabından pul qəbul etməsi ilə bağlı ittiham irəli sürülüb.

New York Times qəzetinin yazdığına görə, astronavt Enn Makkleyn Beynəlxalq Kosmik Stansiyada olduğu müddətdə pul köçürməsi aldığını təsdiq edib, lakin bunun cinayət olmadığını bildirib. Onun keçmiş həyat yoldaşı isə ABŞ-ın Federal Ticarət Komissiyasına şikayət edib. Astronavtın vəkili isə bildirib ki, onun ailə üzvlərinin pul vəsaitinin köçürülməsi ilə bağlı etibarnaməsi olub və burada heç bir cinayət yoxdur. O, Makkleynin istintaq ilə də əməkdaşlıq etdiyini əlavə edib.

Bu iddialarla bağlı NASA-nın tərkibindəki xüsusi təhqiqat komissiyasının araşdırma apardığı bildirilir. Digər tərəfdən, hüquqşünaslar bir şəxsin kosmosda cinayət törətməsi ilə bağlı ilk halla qarşılaşıblar və bu halın hüquqi məsuliyyəti üzrə mübahisələr aparırlar.

Qeyd olunur ki, Enn Makkleyn ABŞ Hərbi Hava Qüvvələrinin ən təcrübəli pilotlarından biridir və bu qadın İraq müharibəsində 800 döyüş saatı keçirib. O, 2013-cü ildə NASA-da təlimlərə cəlb olunub və kosmik missiyanın tərkibində Beynəlxalq Kosmik Stansiyanın Amerika seqmentinə göndərilib.(AZƏRTAC)

Cebhe.info


Oxunma sayı: 793