hava haqqindaBakı
Bu gün +4 ° C
  • USD - 1.7000
  • RUBL - 0.0231
  • EURO - 2.0516
  • NEFT - 54.77
  • clouds-weather

"Neftçi" - "Keşlə" qarşılaşmasında 7 qol vuruldu

"Neftçi" - "Keşlə" qarşılaşmasında 7 qol vuruldu

Azərbaycan Premyer Liqasının lideri "Neftçi" bu gün qış toplanışı çərçivəsində yoxlama oyunu keçirib.

Məlumata görə, flaqman "Bakcell Arena"da "Keşlə" komandası ilə üz-üə gəlib. 7 qolun vurulduğu qarşılaşmada "ağ-qaralar" 4:3 hesablı qələbə qazanıblar.

Görüşdə hesabı 10-cu dəqiqədə meydan sahiblərinin hücumçusu Mirabdulla Abbasov açıb. 36-cı dəqiqədə Tallison Dias fərqi artırıb. İlk hissə bu hesabla başa çatıb.

Fasilədən sonra "Keşlə" toplardan birinin əvəzini çıxıb. Yeni transfer Nicat Qurbanov bu komandada ilk qolunu vurub. 2 dəqiqə sonra Silvio Junior hesabı bərabərləşdirib. Lakin qonaqların qol sevinci cəmi 1 dəqiqə çəkib. Mamadu Kane 62-ci dəqiqədə komandasını yenidən önə çıxarıb. 3 dəqiqə sonra Tallison Dias dubl edib. Oyunda son nöqtəni isə 79-cu dəqiqədə Silvio Junior qoyub.

Qeyd edək ki, "Neftçi" ilk yoxlama matçında I Divizion təmsilçisi "Kəpəz"i minimal hesabla üstələyib.

Cebhe.info


Oxunma sayı: 826

Bizim Telegram səhifəmizi izləyin