hava haqqindaBakı
Bu gün +22 ° C
  • USD - 1.7000
  • RUBL - 0.0264
  • EURO - 1.8726
  • NEFT - 61.07
  • clouds-weather

Qəsəbədə marşrut problemi: Sakinlər narazıdır

Qəsəbədə marşrut problemi: Sakinlər narazıdır

Qaradağın marşrut problemi yenidən gündəmə gəlib. Lokbatan qəsəbə sakinləri şəhərin mərkəzinə birbaşa ictimai nəqliyyatın olmadığından gileylənirlər.

Cebhe.info-ya bununla bağlı şikayətlənən qəsəbə sakinlərdən biri Arzu İbrahimov şəhərə çatanadək 3 avtobus dəyişdiyini deyib:

“Lökbatandan şəhərə gəlmək üçün 2-3 marşrut dəyişməli oluram. Birbaşa Lökbatan qəsəbəsindən şəhərə avtobus işləmir. “28 May” metrosunun yaxınlığından “Binə” Ticarət Mərkəzinə yalnız bir - 125 saylı marşrut işləyir.

Hazırda sərnişindaşıma xidmətinin tarifi 1 gediş üçün 35 qəpikdir. Bu aztəminatlı ailələrin cibinə isə uyğun deyil. Mən 3 uşaq oxuduram. Bir valideyn üçün bir ayda yol xərci üçqat çıxır. Bu isə aldığım əməkhaqqının məbləğinə adekvat deyil”.

Qeyd edək ki, avqust ayında Bakıda sərnişindaşımada fəaliyyət göstərmək üçün 300 yeni avtobus gətiriləcək. Bakı Nəqliyyat Agentliyinin bildirdiyinə görə, Bakıya gətirilən həmin avtobuslar əsasən daha çox şikayət olunan, problemlər yaşanan xətlərdəki avtobusları əvəz edəcək. Müasir standartlara cavab verən, kondisionerli avtobuslar, eyni zamanda, Bakıətrafı qəsəbələrə işləyən marşrut xətlərinə də buraxılacaq. Yeni avtobusların uzunluğu 12 və 18 metrdir.

Alçina Amilqızı
Cebhe.info


Oxunma sayı: 3433