hava haqqindaBakı
Bu gün +4 ° C
  • USD - 1.7000
  • RUBL - 0.0229
  • EURO - 2.0661
  • NEFT - 65.30
  • clouds-weather

"Rusiya sülhməramlılarının komandanlığı unutmamalıdır ki, Putin..." - Deputat

"Rusiya sülhməramlılarının komandanlığı unutmamalıdır ki, Putin..." - Deputat

"Rusiya sülhməramlılarının statusu Azərbaycan Respublikasının Prezidenti, Ermənistan Respublikasının Baş naziri və Rusiya Federasiyasının Prezidentinin 10 noyabr Bəyanatı ilə müəyyən edilib. Bəyanatın 5-ci maddəsində açıq mətnlə yazılıb ki, münaqişə tərəflərinin razılaşmalara əməl etməsinə nəzarətin səmərəliliyinin artırılması məqsədilə atəşkəsə nəzarət üzrə sülhməramlı mərkəz yaradılır. Məqsəd aydındır, Rusiya sülhməramlıları yalnız və yalnız artıq bitmiş bir münaqişənin yenidən alovlanmaması üçün tərəflərin 10 noyabr bəyanatına sadiq qalmalarına yönəlik fəaliyyət göstərməlidir. Bundan əlavə istənilən addım, məsələn, separatçıların Xankəndidəki yürüşündə iştirak etmək kimi cılız "həmrəylik" özfəaliyyətdir. Bölgədə sülhə, sabitliyə xidmət etmir, əksinə vəziyyəti qəlizləşdirməklə nəinki Azərbaycanın maraqlarına, həmçinin razılaşmalara imza atmış Rusiya Federasiyasının Prezidentinin özünün də iradəsinə ziddir".

Cebhe.info xəbər verir ki, bunu deputat Bəhruz Məhərrəmov deyib.

Deputat bildirib ki, Rusiya sülhməramlılarının komandanlığı Putinin hətta müharibə dövründə kifayət qədər konstruktiv siyasi mövqe nümayiş etdirərək Qarabağın Azərbaycanın beynəlxalq hüquqla tanınan ərazisi olduğunu dəfələrlə bəyan etdiyini unutmamalıdır:

"İndi bu mövqedən, habelə, 10 noyabr və 11 yanvar bəyanatlarından sonra sülhməramlı personalının yüksəkrütbəli şəxslərinin əlavə hərəkətlərə yol verməsi hər şeydən öncə elə Rusiyanın özünün ali iradəsinə hörmətsizlik, rəsmi Moskvanın bölgədəki nüfuzuna zərbədir. Bu mənada, ölkə ictimaiyyətində duyulan haqlı narahatlıq başadüşülən olsa da, unutmayaq ki, zaman da, vəziyyət də bizim lehimizə işləyir. Nəzərə almaq lazımdır ki, indi XX əsrin 90-cı illəri deyil, VI nəsil müharibə aparıb təcavüzkar koalisiyaya qalib gələn, artıq bölgədə proseslərə diktə edən Azərbaycanı başqa dövlətlərlə, Prezident Əliyevi isə başqa liderlərlə qarışıq salmaq olmaz".

Vilayət Muxtar

Cebhe.info


Oxunma sayı: 1035