hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

Sahibə Qafarova Moskvada Heydər Əliyevin barelyefi önündə

Sahibə Qafarova Moskvada Heydər Əliyevin barelyefi önündə

Milli Məclisin Sədri Sahibə Qafarovanın başçılıq etdiyi nümayəndə heyəti Rusiyada rəsmi səfərdədir.

Məlumata görə, spiker Azərbaycanın Rusiyadakı Səfirliyinə gələrək ümummilli lider Heydər Əliyevin barelyefi önünə əklil qoyub.

Qeyd edək ki, bu, S.Qafarovanın Milli Məclisin Sədri kimi Rusiyaya ilk rəsmi səfəridir.

Nümayəndə heyətinin tərkibinə Milli Məclisin komitə sədri Səməd Seyidov, Rusiya ilə parlamentlərarası əlaqələr üzrə işçi qrupunun rəhbəri Nizami Səfərov, deputatlardan Eldar Quliyev, Mixail Zabelin, Əminə Ağazadə, Tural Gəncəliyev, parlament Aparatının rəhbəri Səfa Mirzəyev və digər rəsmi şəxslər daxildirlər.

Moskva şəhərinin “Domodedovo” hava limanında Milli Məclisin nümayəndə heyətini Rusiya Federasiyası Federal Məclisi Federasiya Şurasının sədr müavini İlyas Umaxanov, Azərbaycanın Rusiyadakı səfiri Polad Bülbüloğlu və digər rəsmi şəxslər qarşılayıb. Sabah S.Qafarova səfər proqramına uyğun olaraq rəsmi görüşlərə başlayacaq/Report.

Cebhe.info


Oxunma sayı: 1640

Bizim Telegram səhifəmizi izləyin