hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

Yaponlardan AĞILLI MASKA: 8 dilə tərcümə edir, mətn yazır, səsləndirir - VİDEO

Yaponlardan AĞILLI MASKA: 8 dilə tərcümə edir, mətn yazır, səsləndirir - VİDEO

Koronavirus pandemiyası tibbi maskaları artıq dəb halına salıb. Zamanənin trendi olan maskalar müxtəlif parçalardan, müxtəlif şəkildə hazırlanır. Bu "aksesuar" hətta texnologiya şirkətlərinin də diqqətini cəlb edib.

BiG.AZ-ın haberler.com-a istinadən verdiyi xəbərə görə, Yaponiyanın "Donut Robotics" şirkəti yaponcadan 8 dilə tərcümə edən mikrofonlu maska hazırlayıb.

Maska "bluetooth" köməyi ilə mobil telefonuna və ya planşetə qoşulur, insanın dediklərini mətn halına çevirib səsləndirir.

Maska, həmçinin, onu taxan şəxsin səsini mikrofon vasitəsi ilə yüksəldir və bununla sosial məsafəni qorumağa yardım edir.

Plastik və silikondan hazırlanan maskada dəliklər olduğu üçün o, həqiqətdə koronavirusdan qorumur və adi üz maskasının üstündən taxılır.

Şirkətin rəhbəri Taisuke Ono bildirib ki, "C-mask" adlandırdıqları ixtira insanların maskada dediklərinin daha aydın başa düşülməsi üçün hazırlanıb.

Qeyri-adı maskanın sentyabr ayında satışa çıxarılacağı planlaşdırılır. Satış qiyməti 40 dollar olacaq.

Cebhe.info


Oxunma sayı: 2399