hava haqqindaBakı
Bu gün +28 ° C
  • USD - 1.7000
  • RUBL - 0.0233
  • EURO - 2.0195
  • NEFT - 45.24
  • clouds-weather

Yaşıllıq məhv edilir, sahibkarın qanuni torpağı əlindən alınır - Naftalanın təzə icra başçısının “köhnə fəaliyyəti” – FOTO+VİDEO

Yaşıllıq məhv edilir, sahibkarın qanuni torpağı əlindən alınır - Naftalanın təzə icra başçısının “köhnə fəaliyyəti” – FOTO+VİDEO

Rayonların “balaca padşah”ları qanunsuz əməlləri ilə gündəmdə qalmağa davam edirlər.

Bu dəfə isə Naftalan şəhər İcra Hakimiyyətinin başçısı Vüqar Novruzov yerli sahibkarlara qarşı qanunsuz hərəkətləri ilə diqqət mərkəzinə gəlib. Belə ki, icra başçısı yaşıllıq ərazisini, 4-5 illik ağaclar olan sahəni bir sahəni mebel şirkətlərindən birinə verib. Həmin ərazidəki ağacları isə başqa bir sahibkarın qanuni torpağına köçürtdürür.

Xatırladaq ki, dövlət başçısı yeni icra başçılarını təyin edərkən ciddi tapşırıqlar verir. Xüsusilə də əhalinin problemlərinin həlli, sahibkarlığın inkişafı istiqamətində fəaliyyət göstərmələrini tapşırır.

Görünən odur ki, bu tapşırıq və tövsiyələr Vüqar Novruzova təsir etməyib. Ona görə də bir sahibkarlıq subykti yaradanda başqa bir sahibkarı incidir və ya onun hesabına başqa birisinə münbit şərait yaradır.

Qeyd edək ki, Vüqar Novruzov 2019-cu ilin 4 dekabrda Naftalan şəhər İcra Hakimiyyətinin başçısı təyin olunub. O da gənc, perspektivli kadr hesab olunurdu. Amma görünən odur ki, Vüqar Novruzovun İcra Hakimiyyətinin başçısı kimi heç bir ili tamam olmamış artıq sələflərinin yolunu getməyə başlayıb. Fotolardan da göründüyü kimi, sözügedən ərazidə (Qasımbəyli kəndinə gedən yol, yanacaqdoldurma məntəqəsinin arxası-V.M) yaşıllıqlar məhv edilir, ağaclar yerindən çıxarılaraq başqa əraziyə daşınır.

Hər halda belə deyilir, ağacların həqiqətən də daşınıb-daşınmadığı məlum deyil. Məlumat üçün qeyd edək ki, Azərbaycan Respublikasının Birinci vitse-prezidenti Mehriban Əliyevanın təşəbbüsü ilə mütəfəkkir şair İmadəddin Nəsiminin 650 illik yubileyi münasibətilə bir gündə respublikamızda 650 min ağac əkildi. Bu kampaniyada ölkə başçısı İlham Əliyev, Birinci vitse-prezident Mehriban Əliyeva, Heydər Əliyev Fondunun Birinci vitse-prezidenti Leyla Əliyeva iştirak etdi. Ölkə rəhbərliyi səviyyəsində aparılan ağacəkmə kampaniyaları mütəmadi olaraq davam etdirilir. Belə bir məqamda icra başçısının yaşıllığı məhv etməsi bir növ “baş qaldırmaq” görüntüsü yaradır.

Məsələnin digər tərəfi isə ölkə başçısı İlham Əliyevin sahibkarlığın inkişafı ilə bağlı mütəmadi olaraq verdiyi tövsiyə və tapşırıqların Vüqar Novruzov tərəfindən heçə sayılmasıdır. Yəni bir sahibkarın qanuni ərazisini başqa əraziən daşınan ağaclar hesabına əlindən almaq, əvəzində isə həmin ağaclar əkilmiş sahəni digər sahibkara (mebel şirkətinə - V.M) vermək yeni sahibkarlıq subyekti yaratmaq deyil. Naftalan rayonunda mebel şirkəti açmaq üçün kifayət qədər boş ərazi var. Amma məhz başqa sahibkarın ərazisinin əlindən alınması bu məsələnin arxasında başqa məqsədlərin olduğunun göstəricisidir. Vüqar Novruzov faktiki olaraq bir sahibkara şərait yaratmaq adı ilə digərinin qanuni mülkünü əlindən alır. Bu məsələni aidiyyəti qurumlarla araşdırırıq.

Vilayət Muxtar
Cebhe.info


Oxunma sayı: 9131

Bizim Telegram səhifəmizi izləyin